ABŞ federal hökumətinin büdcə kəsiri İyul ayında 63 milyard dollar təşkil edib.

ABŞ Xəzinə Nazirliyi İyul ayına dair büdcə hesabatını yayımlayıb.

İnsider.az xəbər verir ki, 1 Oktyabr 2019-da başlayan və 30 Sentyabr 2020-də sona çatacaq 2020 maliyyə ilinin İyul ayında federal hökumətin büdcə kəsiri 63 milyard dollara geriləyib.

Federal hökumətin, keçən ilin eyni ayında 119,6 milyard dollarlıq büdcə kəsiri yaranmışd.

İyulda büdcədə 193 milyard dollarlıq kəsir yaranacağı proqnozlaşdırılırdı. Büdcə kəsiri iyunda isə 864 milyard dollar ilə bütün zamanların ən yüksək səviyyəsinə çatmışdı.

Büdcə kəsirinin İyul ayında azalmasına, yeni növ koronavirus (Kovid-19) epidemiyası ilə əlaqədar olaraq vergi ödəmələrinin aprel ayından İyul ayına təxirə salınması və bu ödəmələrlə hökumətin gəlirlərində görülən artım səbəb olub.

Ölkədə 2020 maliyyə ilinin 10 ayı ərzində cəmi büdcə kəsiri 2,8 trilyon dollara çatıb. Kəsir, keçən ilin eyni dövründə 866,8 milyard dollar səviyyəsində reallaşmışdı.

Maliyyə ilinin ilk 10 ayında xərclər keçən ilin eyni dövrü ilə müqayisədə 51,3% artaraq 5,6 trilyon dollara yüksəlib, gəlirlər isə 1,3% azalaraq 2,8 trilyon dollara geriləyib.

Marja