ABŞ-da anbarlardakı (çənlərdə) xam neft ehtiyatları keçən həftə 5,7 milyon barel artıb

ABŞ Enerji İnformasiya İdarəsi (EIA), ölkədəki kommersiya (satış üçün) xam neft ehtiyatlarının keçən həftə 5,7 milyon barel (1,1%) artımla 538,1 milyon barelə yüksəldiyini açıqlayıb. Marja xəbər verir ki, bazar proqnozu ehtiyatların 1,7 milyon barel azalacağı istiqamətində idi. Ölkənin xam neft ehtiyatları bir əvvəlki həftə isə 2,1 milyon barel azalmışdı.

Kommersiya xam neft ehtiyatlarına daxil olmayan strateji xam neft ehtiyatları 2,2 milyon barel (0,3%) artımla 650 milyon barelə çatıb.

Xəbərin ardından neft qiymətləri düşüb. Bakı vaxtı ilə saat 10:45-də Brent nefti 3% ucuzlaşma ilə 40,38 dollardan əməliyyat olunub. Fed-in ABŞ iqtisadiyyatının normallaşması üçün qarşısında uzun bir yol olduğunu açıqlaması da neft qiymətlərinin düşməsinə səbəb olub.

Ötən həftə ABŞ-ın benzin ehtiyatları da 0,9 milyon barel (0,3%) artımla 258,7 milyon barel olub.  

ABŞ-ın xam neft idxal keçən həftə gündəlik ortalama 685 min barel artaraq 6,8 milyon barelə çatıb, neft ixracı isə gündəlik ortalama 355 min barel azalıb və 2,4 milyon barelə düşüb.

ABŞ-ın gündəlik xam neft istehsalı isə 30 May-5 İyun dövründə orta hesabla 120 min barel azalaraq təxminən 11,1 milyon barelə geriləyib. Bu rəqəm, 22-28 Fevral dövründə 13,1 milyon barel olmaqla ən yüksək səviyyəsinə çatmışdı.

EIA-nın İyun Hesabatına görə, ölkənin gündəlik xam neft istehsalının bu il 11,6 milyon barel olacağı gözlənilir.

Marja