ABŞ Enerji İnformasiya İdarəsi (EIA), bu ilə dair neft qiyməti proqnozunu dəyişib.

İnsider.az xəbər verir ki, EIA-nın "İyul 2020" Hesabatına görə, bu il Brent növü xam neftin orta hesabla qiymətinin 40,5 dollar olacağı nəzərdə tutulur. "İyun 2020" hesabatında bu rəqəm 38 dollar olaraq təxmin edilmişdi.

Bu ilin ilk rübündə orta hesabla 50 dollar və ikinci rübündə 29 olaraq reallaşan Brent növü xam neftin barel qiymətinin, üçüncü rübdə 40 dollar, son rübdə 43 dollar və ilin hamısında 40,5 dollar olması gözlənilir. Bu rəqəmin gələn il 49,7 dollara yüksələcəyi nəzərdə tutulur.

EIA qiymət proqnozunu dəyişməsinə səbəb olaraq, bu ilin ikinci yarısında və gələn il qlobal neft ehtiyatlarında azalıma gözləməsini göstərib. 

Neft İxrac edən Ölkələr Təşkilatı (OPEC) və OPEC-ə üzv olmayan ölkələrin istehsalı azaltmaları ilə qlobal neft bazarındakı təklif artıqlığı azalır. Dünyada karantin tədbirlərinin yumşadılması da iyun ayında qlobal neft tələbini artırıb. 

EIA, ABŞ-ın bu ilə dair gündəlik xam neft istehsalı öroqnozunda dəyişiklik etməyib.

Hesabata görə, ölkənin gündəlik ortalama xam neft istehsalının bu il 11,6 milyon barel səviyyəsində reallaşması, gələn il isə 11 milyon barel səviyyəsinə düşməsi gözlənilir.

ABŞ, 2018-ci ilin Noyabr ayında Səudiyyə Ərəbistanı və Rusiyanı geridə qoyaraq dünyanın ən böyük xam neft istehsalçısı olmuşdu.