ABŞ-da 59-cu Prezident seçkisinin ilkin nəticələri məlum olub. 

İnsider.az xəbər verir ki, səslər və nümayəndə sayı üzrə Joe Biden öndədir.

Bakı vaxtı ilə saat 09:20-yə olan məlumata görə, Demokratların namizədi Joe Biden 223, Respublikaçıların namizədi, hazırkı Prezident Donald Trump 145 nümayəndə qazanıb. 

Joe Biden səslərin 49,8%-ni, Donald Trump isə 48,7%-ni yığıb. 

ABŞ seçki sistemində nümayəndə sayı daha həlledicidir. 270 nümayəndə sayına çatan namizəd ABŞ-ın 46-cı Prezidenti olacaqdır.

ABŞ seçki sisteminə görə, 538 nümayəndənin yarısından 1 artıq olan 270 nümayəndəyə çatan namizəd Prezident seçkisini qazanır.

Respublikaçıların namizədi 74 yaşındakı Donald Trump 1992-ci ildə George HW Bush-dan sonra vəzifədəykən seçkini uduzan ilk Prezident olmamaq üçün mübarizə aparır, 77 yaşındakı sabiq Prezident köməkçisi Joe Biden isə seçkinin sonunda yenidən Ağ Evə qayıdacağını gözləyir.

Marja