Biznes müştərilərə daha üstün xidmət təklif etmək üçün “AccessBank” yeni – “AccessPartner” layihəsinə start verir. Kampaniya çərçivəsində biznes müştərilərə bank hesabının açılması, çek kitabçasının təqdim olunması, kartlar, POS terminallar, SMS Banking və “MyAccess” xidmətlərinə qoşulma ödənişsiz təklif olunur. Bununla yanaşı, digər bank xidmətləri üzrə kommisiyalarda da güzəştlərin təqdim olunması nəzərdə tutulur. Yeni biznes müştəriləri layihəyə qatılmaqla, həmçinin “Overdraft” məhsulunu və Bank qarantiyasını güzəştli şərtlərlə əldə edə bilərlər.  

“AccessPartner” hesablar üzrə illik dövriyyəsi 1 milyon AZN-dən çox olan hüquqi şəxslər və fərdi sahibkarlar üçün nəzərdə tutulub.

Yeni məhsul standart şərtlərdən fərqlənən müxtəlif kredit məhsullarını təklif edir. Bundan başqa, bu təklif müştərilərə hesablar, əmək haqqı kartları, POS-terminallar üzrə əməliyyatlar üçün xüsusi tariflər, habelə, hesab qalıqlarına faiz hesablamaları təqdim edir.

Biznes müştərilər layihə haqqında ətraflı məlumat əldə etmək kampaniya üçün xüsusi olaraq yaradılmış https://accesspartner.az/ saytına daxil ola bilərlər. 

Layihə 30.11.2020 tarixinədək aktualdır. Noyabr ayının sonunda müraciət edən müştərilər kampaniyadan növbəti 6 ay ərzində də yararlana bilərlər.

“AccessBank” Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 15-i Bakıda, 13-ü bölgələrdə olmaqla, 28 filialı fəaliyyət göstərir. Bankın xidmətləri haqqında məlumat əldə etmək üçün 151 əlaqə mərkəzinə zəng etmək, həmçinin www.accessbank.az saytına, və ya bankın sosial media hesablarına daxil olmaq olar.