alim-quliyev-elektron-ticaret-edv-den-azad-olunmalidir

Alim Quliyev: Elektron ticarət ƏDV-dən azad olunmalıdır

Elektron ticarətin ƏDV-dən azad olunması bu sahənin gələcəkdə inkişafına təkan verə bilər.

Azərbaycan Mərkəzi Bankının İdarə Heyətinin sədrinin birinci müavini Alim Quliyev belə hesab edir.

“Cari ilin 9 ayı ərzində Azərbaycanda elektron ticarətin həcmi 91% artaraq 2,2 mlrd. manata çatıb. Son illər bu sahə fəal inkişaf edir, lakin onun ƏDV-dən azad olunması gələcək inkişafını sürətləndirə bilər”, - Quliyev bu gün jurnalistlərə bildirib.

Onun sözlərinə görə, AMB vergi orqanları ilə bu istiqamətdə danışıqları davam etdirir.

“Hesab edirik ki, elektron ticarət sahəsi ƏDV-dən azad olunmalıdır”, - Quliyev əlavə edib.

Hazırda Azərbaycanda 18% dərəcə ilə ƏDV tətbiq olunur.