ABŞ-ın e-ticarət nəhəngi Amazon, yeni növ koronavirus (Covid-19) epidemiyası ilə əlaqədar olaraq onlayn alış-verişə tələbin artdığını açıqlayıb.

İnsider.az xəbər verir ki, şirkət artan tələbi qarşılaya bilmək üçün keçən ay 100 min yeni işçi götürəcəyini açıqlamasının ardından, daha 75 min nəfəri də işə qəbul ediləcəyini bildirib.

"Tələbin artdığını görməyə davam edirik və bu bənzəri görülməmiş müddətdə müştərilərimizə xidmət göstərməyə kömək etmələri üçün daha 75 min nəfərə məşğulluq yaradaraq işə qəbula davam edəcəyik",- Amazon-un açıqlamasında bildirilir.