Asiya İnkişaf Bankı (AİB) mərkəzi bankların pul siyasətlərini sərtləşdirməsi, Ukrayna müharibəsi və COVID-19 tədbirlərindən irəli gələn risklər səbəbindən inkişaf etməkdə olan Asiya ölkələri üçün ümumi daxili məhsulun (ÜDM) artımı proqnozlarını aşağı salıb.

AİB Çin və Hindistan da daxil olmaqla inkişaf etməkdə olan Asiya ölkələri üçün 2022-ci il üçün ÜDM artımı gözləntisini 4,6 faizdən 4,3 faizə endirib.

Bank 2023-cü il üçün artım gözləntisini isə 5,2 faizdən 4,9 faizə endirib.

Asiya İnkişaf Bankının baş iqtisadçısı Albert Park, "Aprel ayında açıqlanan Asiya İnkişafına Baxışdan sonra müxtəlif əks "küləklər" güclənib. FED və digər mərkəzi bankların daha aqressiv sərt pul siyasətləri qlobal tələbi cilovlayır və maliyyə bazarlarını sarsıdır. Bu da Asiyanın ixrac mallarına tələbi azalda bilər", - deyib.

AİB Çin üçün aprel və iyul hesabatlarında 5,0 faiz və 4,0 faiz olaraq açıqlanan ÜDM artım proqnozlarını bugünkü hesabatda 3,3 faizə qədər yenidən nəzərdən keçirilib, 2023-cü il üçün artım proqnozunu da 4,8 faizdən 4,5 faizə endirib.

Hindistan üçün 2022-ci il üçün artım proqnozunu 7,2 faizdən 7,0 faizə endirən AİB, 2023-cü il üçün proqnozunu 7,8 faizdən 7,2 faizə qədər yenidən nəzərdən keçirib.

Şərqi Asiya üçün 2022 və 2023-cü il üçün artım proqnozlarını 3,8 və 4,5 faizdən 3,2 və 4,2 faizə endirən AİB, Cənubi Asiya üçün 2022-ci il üçün artım gözləntisini 2023-cü il üçün 6,5 faizdə saxlayıb, 2023-ci il üçün 7,1 faizdən 6,5 faizə endirib.

AİB, İndoneziya, Vyetnam və Sinqapur kimi ölkələrin daxil olduğu Cənub-Şərqi Asiya üçün 2022-ci il üçün ÜDM artım proqnozunu 5,0 faizdən 5,1 faizə yüksəldib, 2023-cü il üçün artım gözləntisini isə 5,2 faizdən 5,0 faizə endirib.

Marja