Norveçdə enerji sektoru işçilərinin tətil elan etməsindən sonra Avropada qazın qiyməti artmağa davam edir.

Niderlandın TTF habında avqust ayı qaz fyuçers müqaviləsinin qiyməti iyulun 4-də MVt/saat üçün 162,9 avro ilə bağlanıb.

Avropa üçün əhəmiyyətli təbii qaz tədarükçüsü olan Norveçdən verilən açıqlamanın ardından təbii qazın meqavat saat qiyməti bu gün saat 13,25 etibarilə əvvəlki bağlanışla müqayisədə 5,3 faiz artımla 171,6 avroya qalxıb.

Təbii qazın qiyməti martın 8-də 189,2 avro ilə günü bağlamışdı.

Norveç Neft və Qaz Assosiasiyasından verilən açıqlamaya görə, ölkədəki energetika işçilərinin əksəriyyətini təmsil edən sindikatlar maaşlarla bağlı razılığa gələ bilmədikləri üçün tətil edəcəklər.

Bu gün üç dəniz zonasında başlayan tətildən sonra həll yolu tapılmasa, sabah daha üç sahədə işlər dayandırılacaq.

Bu yataqlarda tətilin başlaması ilə ölkənin təbii qaz hasilatı gündəlik neft ekvivalentində 292 min barel azalacaq. Bu, təbii qaz ixracında 13 faiz azalma deməkdir.

Oxu.Az