2019-cu ilin yanvar-may ayları ərzində Azərbaycana 15 min 585 ədəd nəqliyyat vasitəsi idxal olunub.

İnsider.az Dövlət Gömrük Komitəsinin aylıq hesabatına istinadən xəbər verir ki, bu, 2018-ci ilin yanvar-may dövrü ilə müqayisədə 2,1 dəfə çoxdur. Ötən ilin yanvar-may dövründə ölkəmizə 7 min 294 nəqliyyat vasitəsi idxal olunmuşdu.

2019-cu ilin yanvarında 2 min 512 ədəd, fevralında 2 min 657 ədəd, martında 2 min 809 ədəd, aprelində 3 min 717 ədəd, mayında isə 3 min 890 ədəd nəqliyyat vasitəsi idxal edilib.

O cümlədən, 2019-cu ilin yanvar-may aylarında 14 min 170 ədəd minik avtomobili, 70 ədəd avtobus, 1 274 ədəd yük avtomobili və 71 ədəd xüsusi təyinatlı vasitə idxal olunub.

Müqayisə üçün qeyd edək ki, 2018-ci ilin yanvar-may dövründə 6 min 464 ədəd minik avtomobili, 37 ədəd avtobus, 743 ədəd yük avtomobili və 50 ədəd xüsusi təyinatlı vasitə idxal olunub.