ABA-nın “İnsan resurslarının idarə olunması Ekspert Qrupu”na yeni sədr təsdiqlənib

Azərbaycan Banklar Assosiasiyası (ABA) Rəyasət Heyətinin 30 mart 2023-cü il tarixində keçirilmiş iclasında “İnsan resurslarının idarə olunması Ekspert Qrupu”na sədr vəzifəsinə “Kapital Bank” ASC-nin Performansın idarə edilməsi Departamentinin direktoru Aygün Musayevanın namizədliyi təsdiqlənmişdir.

Aygün Musayeva Azərbaycan Dövlət İqtisad Universitetinini bakalavr, Qafqaz Universitetini magistr dərəcəsini bitirib, Boğaziçi Universiteti “MBA” fakültəsinin məzunudur.

Aygün Musayeva karyerasına 2013-cü ildən “Bank of Baku” ASC-də başlamış, 2015-ci ildən karyerasını “Kapital Bank” ASC-də davam etdirərək 2023-ci ildən etibarən həmin bankın Performansın idarə edilməsi Departamentinin direktoru vəzifəsinə təyin edilmişdir. “CIPD Level 5 Diploma in People Management” sertifikatına sahibdir.

Xatırladaq ki, ABA-nın nəzdində bank-maliyyə sektorunun müxtəlif istiqamətlərini əhatə edən 14 Ekspert Qrupu fəaliyyət göstərir.

ABA-nın yeni yaranmış “Maliyyə xidmətləri istehlakçılarının hüquqlarının müdafiəsi üzrə Ekspert Qrupu”na sədr təsdiqlənib

Azərbaycan Banklar Assosiasiyası (ABA) Rəyasət Heyətinin 30 mart 2023-cü il tarixində keçirilmiş iclasında yeni yaranmış “Maliyyə xidmətləri istehlakçılarının hüquqlarının müdafiəsi üzrə Ekspert Qrupu”na sədr vəzifəsinə “Kapital Bank” ASC-nin Hüquq Departamentinin direktoru Ələkbər İsmayılzadə təyin edilmişdir.

Ələkbər İsmayılzadə Bakı Dövlət Universitetini bakalavr və magistr dərəcəsi üzrə bitirmiş, habelə Azərbaycan Dövlət İqtisad Universitetinin “Maliyyə və kredit” ixtisası üzrə təhsil almışdır.

Ələkbər İsmayılzadə karyerasına 2005-ci ildən Azərbaycan Respublikası Mərkəzi Bankında başlamış, 2017-ci ildən karyerasını “Kapital Bank” ASC-də davam etdirərək bankın Hüquq Departamentinin direktoru vəzifəsinə kimi yüksəlmişdir.

Xatırladaq ki, ABA-nın nəzdində bank-maliyyə sektorunun müxtəlif istiqamətlərini əhatə edən 14 Ekspert Qrupu fəaliyyət göstərir.

ABA-nın “Xəzinədarlıq və Fondların İdarə Olunması üzrə Ekspert Qrupu”na yeni sədr təsdiqlənib

Azərbaycan Banklar Assosiasiyası (ABA) Rəyasət Heyətinin 30 mart 2023-cü il tarixində keçirilmiş iclasında “Xəzinədarlıq və Fondların İdarə Olunması üzrə Ekspert Qrupu”na sədr vəzifəsinə “Ziraat Bank Azərbaycan” ASC-nin Xəzinədarlıq və Beynəlxalq Bankçılıq Departamentinin Direktoru Hikmət Cəfərovun namizədliyi təsdiqlənmişdir.

Karyerasına 2007-ci ildən “Bakı Fond Birjası”nda başlayan Hikmət Cəfərov, 2009-cu ildə “Yapı Kredi Bank Azərbaycan” QSC-də çalışmış, 2017-ci ildə bu bankın Xəzinədarlıq və Müxbir bankçılıq Departamentinin Direktor Müavini vəzifəsinə kimi yüksəlmişdir. 2019-cu ildən “Ziraat Bank Azərbaycan” ASC-də Xəzinədarlıq və Maliyyə Qurumları Departamentinin Direktoru olmuş, 2021-ci ildən isə həmin bankın Xəzinədarlıq və Beynəlxalq Bankçılıq Departamentinin Direktoru vəzifəsində çalışır.

Hikmət Cəfərov Azərbaycan Dövlət İqtisad Universitetinin “Beynəlxalq İqtisadi Münasibətlər” fakültəsinin məzunudur.

Xatırladaq ki, ABA-nın nəzdində bank-maliyyə sektorunun müxtəlif istiqamətlərini əhatə edən 14 Ekspert Qrupu fəaliyyət göstərir.

ABA-nın “İT və aİT təhlükəsizlik Ekspert Qrupu”na yeni sədr təsdiqlənib

Azərbaycan Banklar Assosiasiyası (ABA) Rəyasət Heyətinin 30 mart 2023-cü il tarixində keçirilmiş iclasında “İT və İT təhlükəsizlik Ekspert Qrupu”na sədr vəzifəsinə “PAŞA Bank”ın Texnologiya blokunun baş direktoru Vüsal Xəlilovun namizədliyi təsdiqlənmişdir.

Vüsal Xəlilov İT və rəqəmsallaşma sahəsində 15 ildən artıq təcrübəyə malikdir. Bakı Dövlət Universitetinin “Tətbiqi riyaziyyat fakültəsi”nin magistr dərəcəsini bitirən və “Oracle” şirkətinin “OCM” sertifikatının sahibi olan Vüsal Xəlilov, ADA Univesitetinin “MBA” proqramının da məzunudur.

Vüsal Xəlilov 2016-ci ildən “Azercell Telekom”, 2018-ci ildən isə “PAŞA Bank”da məhsul və xidmətlərin yaradılması və rəqəmsal mühəndislik bölməsi kimi strateji funksiyalara rəhbərlik edib. 2021-ci ildən “PAŞA Bank”ın Texnologiya blokunun baş direktoru vəzifəsində çalışmaqdadır.

Xatırladaq ki, ABA-nın nəzdində bank-maliyyə sektorunun müxtəlif istiqamətlərini əhatə edən 14 Ekspert Qrupu fəaliyyət göstərir.

Marja