Bu ilin yanvar-iyul aylarında Gürcüstandan Azərbaycana 12 min 185 ədəd avtomobil ixrac olunub.

Bu barədə Gürcüstanın Milli Statistika İdarəsindən bildirilib.

Azərbaycanın qonşu ölkədən idxal etdiyi minik maşınlarının ümumi dəyəri 122,2 milyon ABŞ dolları təşkil edib.

İllik müqayisədə Azərbaycanın Gürcüstandan aldığı avtomobillərin sayı 1 397 ədəd və yaxud 13% artıb.

Xəbər verdiyimiz kimi, 2020-ci ilin yanvar-iyul dövründə Azərbaycana 340 milyon 968 min dollar dəyərində 27 min 792 ədəd avtomobil idxal edilib.

Azərbaycan Dövlət Gömrük Komitəsinin aylıq hesabatına görə, ötən ilin 7 ayı ilə müqayisədə 2020-ci ilin 7 ayında avtomobil idxalı təxminən 21% artıb. 2019-cu ilin yanvar-iyul dövründə Azərbaycana 22 min 974  ədəd avtomobil idxal edilmişdi.

Cari ilin 7 ayında ayda ölkəmizə 25 min 999 ədəd minik avtomobili, 101 ədəd avtobus, 1 615 ədəd yük avtomobili və 77 ədəd xüsusi təyinatlı avtomobil idxal edilib.

Marja