Azərbaycanda ödəniş kartlarının sayının artması 2020-ci ilin Dekabr ayında da davam edib. Ötən il ödəniş kartlarındakı artımın yarıdan çoxu sosial kartlar ilə əlaqədar olub. 

Mərkəzi Bankdan əldə olunan məlaumata əsasən, 2020-ci ilin Dekabr ayının sonunda ödəniş kartlarının ümumi sayı 9 milyon 230 min ədəd təşkil edib.  

Noyabr ayının sonu ilə müqayisədə Dekabr ayı ərzində cəmi ödəniş kartlarının sayı 90 min ədəd artıb. Noyabr ayında cəmi ödəniş kartlarının sayı 14 min ədəd artmışdı.

Dekabrda sosial kartların sayı 18 min ədəd artaraq 3 milyon 443 min ədədə, əməkhaqqı kartlarının sayı 5 min ədəd artaraq 2 milyon 501 min ədədə, Sosial və əməkhaqqı kartı olmayan digər debet kartlarının sayı 47 min ədəd artaraq 2 milyon 193 min ədədə, kredit kartlarının sayı isə 23 min ədəd artaraq 1 milyon 93 min ədədə çatıb.

2020-ci il ərzində cəmi ödəniş kartlarının sayı 1 milyon 964 min ədəd artıb. 2019-cu ilin sonunda cəmi ödəniş kartlarının sayı 7 milyon 266 min ədəd təşkil etmişdi.

2020-ci il ərzində sosial kartların sayı 1 milyon 60 min ədəd, əməkhaqqı kartlarının sayı 185 min ədəd, digər debet kartlarının sayı 424 min ədəd, kredit kartlarının sayı isə 296 min ədəd artıb.

2020-ci ildə yeni aqrokartların, birdəfəlik sosial müavinət (190 manat) üçün kartların, bağlanmış bankların əmanətçilərinə kompensasiya alınması üçün kartların verilməsi və iş yerlərinin rəsmiləşdirilməsi kart sayında böyük artıma səbəb olub. 

Marja