Azərbaycanda fermerlərə subsidiyalar nağdsız qaydada veriləcək.

İnsider.az xəbər verir ki, bunu subsidiyalar mövzusunda keçirilən mətbuat konfransında çıxış edən Aqrar Kredit və İnkişaf Agentliyinin sədri Mirzə Əliyev deyib.

Onun sözlərinə görə, kartlar pulsuz olaraq fermerlərə bu ilin sonunadək veriləcək.

"Fermerlər kartın balansında olan məbləğin 25%-ni nağd, qalan 75%-ni isə nağdsız şəkildə istifadə edə biləcək. Kartlar xüsusi olaraq fermerlər üçün yaradılıb və ilin sonuna kimi öz sahiblərinə veriləcək. Kartlar fermerlərə "Kapital Bank" tərəfindən təqdim olunacaq", - deyə M. Əliyev qeyd edib.

Xəbər verdiyimiz kimi, Aqrar Subsidiya Şurası 2020-ci ildə subsidiyaların verilməsi üçün bitkilər və regionlara görə əkin, məhsul və toxum əmsallarını, toxum və ting kvotalarını açıqlayıb. 

© APA