Azərbaycan Respublikasında koronavirus (COVID-19) infeksiyasına 2124 yeni yoluxma faktı qeydə alınıb, 2669 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 27 nəfər vəfat edib.

Xatırladaq ki, 17 Noyabr 2021-ci il tarixində 2025 yoluxma faktı və 22 ölüm qeydə alındığı açıqlanmışdı. 13 Dekabr 2020-ci il tarixində açıqlanmış fakt (4451) bugünədək qeydə alınmış ən yüksək günlük yoluxma sayı idi.

XXX

Azərbaycanda son sutkada koronavirus (COVID-19) əleyhinə 35699 vaksin vurulub. Vir gündə birinci mərhələ üzrə vaksinasiya olunanların sayı 4879, ikinci mərhələ üzrə vaksinasiya olunanların sayı 7700, buster doza üzrə vaksinasiya olunanların sayı isə 23120 nəfərdir.

Ölkədə vurulan vaksinlərin ümumi sayı 10201533, birinci mərhələ üzrə vaksinasiya olunanların ümumi sayı 5038225, ikinci mərhələ üzrə vaksinasiya olunanların sayı 4505772, buster doza üzrə vaksinasiya olunanların sayı isə 657536 təşkil edir.