Qusarda kəndin bir hissəsi işıqsız qalıb. 

Bu barədə rayonun Aşağı Ləgər kənd sakinləri məlumat veriblər. Kənd sakinlərinin sözlərinə görə, gecə saatlarından elektrik enerjisinin verilişi dayandırılıb.

“Azərişıq” ASC-dən verilən məlumata görə, leysan yağışları ilə əlaqədar sel suları kəndin bir hissəsini elektrik enerjisi ilə təmin edən xətlərə ziyan vurub:

“Hazırda qurumun qəza xidmətinin əməkdaşları yaranan problemin aradan qaldırılması istiqamətində tədbirlər görür. Yaxın 30 dəqiqə ərzində kənd tam şəkildə elektrik enerjisi ilə təmin olunacaq”.

Oxu.Az