“Bakı Metropoliteni”nin yığılmış zərəri 565 milyon manata çatıb.

“Bakı Metropoliteni” QSC 2020-ci ili 83 milyon 543 min manat zərərlə başa vurub.

Qurumun maliyyə hesabatına görə, bu, 2019-cu illə müqayisədə 51,7% çoxdur.

Son nəticədə səhmdar cəmiyyətinin yığılmış zərəri 17,35% artaraq 565 milyon 240 min manata çatıb.

Ötən il “Bakı Metropoliteni”nin sərnişindaşımadan gəlirləri 21 milyon 623 min manat (əvvəlki ilə nisbətən 68,6% az), dövlət büdcəsindən aldığı dotasiya 67 milyon 679 min manat (37% çox), sair əməliyyat gəlirləri 3 milyon 534 min manat (38,1% az), istifadə etdiyi material ehtiyatlarının dəyəri 4 milyon 928 min manat (22,8% az), istifadə etdiyi neft məhsullarının dəyəri 680 min manat (9,3% çox), istifadə etdiyi elektrik enerjisinin dəyəri 6 milyon 628 min manat (40,9% az), istifadə etdiyi qazın dəyəri 168 min manat (2,3% az), istifadə etdiyi suyun dəyəri 4 milyon 156 min manat (0,8% çox), işçi heyəti üzrə xərcləri 44 milyon 660 min manat (3,1% az), torpaq, tikinti və avadanlıqlar üzrə amortizasiya xərcləri 103 milyon 413 min manat (7,9% çox), qeyri-maddi aktivləri üzrə amortizasiya xərcləri 179 min manat (17,8% çox), tikinti və avadanlıqlarının qalıq dəyəri 666 min manat (44,8% çox), digər xərcləri 7 milyon 532 min manat (19,15% az), sair əməliyyat xərcləri isə 3 milyon 370 min  manat (29,1% az) təşkil edib.

Bu il yanvarın 1-nə “Bakı Metropoliteni”nin aktivləri 2 milyard  513 milyon 284 min manat olub ki, bu da illik müqayisədə 2,5% çoxdur.

Hesabat dövründə qurumun öhdəlikləri 9% artaraq 58 milyon 917 min manata, balans kapitalı isə 2,4% artaraq 2 milyard 454 milyon 367 min manata, o cümlədən nizamnamə kapitalı 4,9% artaraq 3 milyard 19 milyon 606 min manata çatıb.

Report