Sosial şəbəkədə ən populyar anonim rəssam Benksinin göründüyü ehtimal edilən video çarx üzə çıxıb. İnsider.az bunu “The Guardian”-a istinadla xəbər verir.

Gənc rəssamla müsahibə 2003-cü ildə “Turf War” sərgisində Britaniyanın “ITV London” telekanalı tərəfindən çəkilib. Kadrda intervyu zamanı gözlərindən başqa bütün üzünü örtmüş kepkalı cavan oğlan qraffiti-artistin yaradıcılığının reallıqla uyğunlaşmadığını izah edib.

Cavan oğlanın niyə məhz Benksi hesab edilməsinin əsas səbəbi onun reportaj vaxtı qraffiti çəkməsidir. Onlardan birində qara həşərat, digərində üzərində “Kill more” (“Daha çox öldür”) yazılmış kubiklərlə oynayan körpə təsvir olunub. Bir qədər sonra isə hər iki rəsmin müəllifi Benksi elan edilib.

Samirə Məmmədova