O, İT və rəqəmsal transformasiya proseslərinə rəhbərlik edəcək.

Strateji inkişaf planını uğurla yerinə yetirmək üçün kadr potensialını gücləndirən Azərbaycan Beynəlxalq Bankında yeni təyinat baş verib.

İnsider.az xəbər verir ki, Nihat Şenyuva bankın Baş informasiya inzibatçısı vəzifəsinə təyin edilib.

1977-ci il təvəllüdlü Nihat Şənyuva 2000-ci ildə Türkiyənin Ege Universitetindən Kompüter mühəndisliyi ixtisası üzrə məzun olub. 2009-cu ildə isə Yeditepe Universitetində MBA dərəsəci alıb.

O, 2002 –2011-ci illərdə  Yapi Kredi Bankda, 2011-2016-cı illərdə Yapı Kredi Azərbaycanda müxtəlif vəzifələrdə çalışıb. Bankın İnformasiya texnologiyaları departamentinin rəhbəri, daha sonra İT üzrə baş direktoru olub.

Azərbaycan Beynəlxalq Bankı komandasına qoşulmazdan əvvəl Yapı Kredi Bankın törəmələri olan Yapı Kredi Bank Azərbaycan, Yapı Kredi Bank Niderland, Yapı Kredi Bank Malta banklarında, Yapı Kredi Factoring, Yapı Kredi Leasing, Yapı Kredi Asset Management təşkilatlarında İT və rəqəmsal transformasiya üzrə məsul rəhbər vəzifəsində çalışıb.

Azərbaycan Beynəlxalq Bankının 2022-ci ilə qədər qarşıya qoyduğu əsas hədəflərdən biri innovativ həllərin geniş tətbiqi, mükəmməl rəqəmsal təcrübənin formalaşdırılmasıdır. Bank hazırda bu istiqamətdə ardıcıl layihələr həyata keçirir. Nihat Şənyuva Azərbaycan Beynəlxalq Bankında İT və rəqəmsal transformasiya proseslərinə rəhbərlik edəcək.

Marja