Dünyanın aparıcı kriptovalyutası bitkoinin qiyməti ötən gün 3,3% artaraq 8 min ABŞ dollarını keçib.

İnsider.az xəbər verir ki, bu barədə xarici mətbuatda məlumat yayılıb. 

Məlumata görə, martın sonu ilə müqayisədə isə bitkoinin qiymətində 35% artım var. 

Ekspertlər bahalaşmanı gələn ay həyata keçirilməsi planlaşdırılan bitkoinin bölünməsi əməliyyatı ilə izah edirlər.

Xatırladaq ki, bundan əvvəlki 2 bölünmədə kriptovalyutanın qiyməti tarixi maksimumları yeniləmişdi.