Əziz oxucular, tezliklə İnsider.az  "Synergy Partnership" şirkəti ilə birgə layihəsi olan “Biznes Plan”ın ikinci buraxılışını Sizə təqdim edəcək.

AzərTürkBankın dəstəyi ilə həyata keçiriləcək layihənin əsas məqsədi Azərbaycanda geniş biznesə çevrilən startapların təsisçiləri, uğurlu iş adamları ilə sahib olduqları təcrübənin, qurduqları biznesin xüsusiyyətlərini əks etdirən müsahibələri hazırlamaq və geniş oxucu kütləsinə çatdırmaqdır.

Layihə çərçivəsində hazırlanan müsahibələr iş adamları ilə mövcud şirkətlərin fəaliyyəti, şəxsi biznesin qurulması, gözə alınan risklər, rəqabətqabiliyyətlilik kimi mövzuları əhatə edəcək.

“Biznes Plan”ın bu dəfəki qonağı isə “STUAGE” academic consulting şirkətinin həmtəsisçisi Toğrul Mahmudovdur.