Müqaviləsiz Brexit həyacanı, ticarət münaqişələri və çətinlik içindəki avtomobil sektoru, ixracata əsaslanan Alman iqtisadiyyatına mənfi təsir etməyə davam edir. Almaniyanın Böyük Britaniyaya ixracı, müqaviləsiz Brexit-in gözlənilməsi ilə bu ilin ikinci rübündə 2018-ci eyni dövrü ilə müqayisədə görə 21 faiz azalma qeyd edib.

Almaniyanın Böyük Britaniyaya ixracı, müqaviləsiz Brexit xofu ilə bu ilin aprel-iyun dövründə illik olaraq 21 faiz düşüb. İnsider.az xəbər verir ki, sözügedən azalma, 2008-ci ilin maliyyə böhranından sonrakı ən yüksək faizli azalmadır. Bu azalma Almaniya iqtisadiyyatının ikinci rübdə 0,1 faiz kiçilməsinə təsir edib.

Analitiklər, Alman məhsullarına qlobal tələbatın zəifləməsinin və Britaniyanın Avropa Birliyindən çıxması prosesində qeyri-müəyyənliyin davam etməsinin Almaniyanın iqtisadi inkişafına mənfi təsir etdiyini qeyd edərək, ABŞ-ın Almaniya avtomobillərinə qarşı təhdidinin də riskləri artırdığını vurğulayırlar.

İngiltərənin Almaniyadan idxalının düşməsinin digər bir səbəbi isə İngilis funt sterlinqinin avro qarşısında 2016-dan bu yana ən aşağı səviyyəsinə düşməsi olduğu bildirilir. İngilis funt-sterlinqi, avro qarşısında 2016-cı ilin İyun ayından bu yana təxminən 20 faiz ucuzlaşıb.

Almaniyada ixrac, Ümumi Daxili Məhsulun 47%-ini yaradır. Almaniya, keçən il İngiltərəyə 82 milyard avro dəyərində ixrac həyata keçirib. İngiltərə; ABŞ, Fransa, Çin və Hollandiyadan sonra Almaniyanın 5-ci böyük ixracat bazarıdır.

©Marja