bu-gun-fed-helledici-qerarini-aciqlayacaq

Bu gün Fed həlledici qərarını açıqlayacaq

Bu gün Bakı vaxtı ilə saat 22:00-da ABŞ Mərkəzi Bankı (Fed) növbəti həlledici faiz qərarını açıqlayacaq.

ABŞ Mərkəz Bankının bu həftəki yığıncağında 2019-cu ildə 3-cü dəfə faiz endirminə gedəcəyinə qəti baxılır, ancaq iqtisadçılar Fed-in daha çox endirimi siqnalı verib verməyəcəyi məsələsində bölünmüş vəziyyətdədirlər.

İnsider.az xəbər verir ki, Fed-in faizləri 1,75% - 2% aralığından 1.5% - 1.75% aralığına endirəcəyi gözlənilir.

Fed İyul iclasında faizləri 25 bənd azaldaraq 2,25% - 2,50% aralığından 2% - 2,25% aralığına, Sentyabr ayındakı iclasında isə 25 bənd azaldılaraq 2% - 2,25% aralığından 1,75% - 2% aralığına endirmişdi.

Makro iqtisadi göstəricilərin pisləşməsi, ABŞ və Çin arasındakı ticarət müharibəsi və qlobal iqtisadi artıma dair narahatlıqlar Fed-i faiz endiriminə məcbur edir.

Mütəxəssislər, əgər Fed hazırkı faizləri dəyişməyərək uyğun olduğunu bildirsə və məlumatları izləyəcəkləri ritorikasını təkrarlasa, bunun gözləməkdə olacağı mənasına gələcəyini və "şahin" bir sürpriz olacağını bildirirlər.

Faiz qərarından sonra Fed-dən veriləcək mesajlar bazarlar üçün daha əhəmiyyətli olacaq.

"Barclays" və "Morgan Stanley"ə görə, Fed bu həftə faiz endirdikdən sonra faiz endiriminin sonuna gəlindiyinə eyham edə bilər.

"JP Morgan" və "Bank of America" Fed-in daha çox faiz endirimi üçün açıq qapı buraxa biləcəyini qeyd edir.

 "TD Securities" Fed rəsmilərinin bir sonrakı hücuma qədər "səbirli" olacaqları fikirindədir.

BANK OF AMERICA

"Bank of America"nın (BofA) mütəxəssisləri  "Açıqlamada ilk abzasdakı ton təmkinli ola bilər, məşğulluq yaradılmasının mülayim olduğu vurğulana bilər. Fed-in inflyasiya barədə şərhində də dəyişiklik gözləmirik. Sözlü istiqamətləndirmə yəqin ki, eyni qalacaq və daha çox faiz endirimə açıq olduqları kimi bir tonda olacaq", - bildiriblər.

BofA mütəxəssisləri zəif göstəricilər səbəbindən növbəti faiz endiriminin Dekabr ayında olacağını, Dekabrda endirim siqnalının "ralliyə" səbəb olacağını deyiblər.

MORGAN STANLEY

"Morgan Stanley" iqtisadçıları bu gün  25 bənd endirimdən sonra Fed-in gözləməyə keçəcəyini proqnozlaşdırırlar.

JP MORGAN

 "JP Morgan"nın analitikləri Fed-in Dekabrda və sonra daha çox faiz endiriminə yəqin ki, açıq qapı buraxacağını bildiriblər.

TD SECURİTİES

"TD Securities"in analitiklər bu gün endirimdən sonra Fed-in gələn ilin ilk rübünə qədər müvəqqəti bir fasiləyə gedəcəyini bildiriblər.

"FED ABŞ İQTİSADİYYATINI QLOBAL LƏNGİMƏDƏN QORUYUR"

"Commerzbank"ın ABŞ və Fed iqtisadçısı Cristoph Balz, Fed-in bu həftəki yığıncağında ehtimalla faiz endiriminə gedə biləcəyini deyib. Fed-in artan qlobal risklərə reaksiya verdiyini qeyd edən Balz, bankın ABŞ iqtisadiyyatını qlobal yavaşlamadan qorumağa çalışdığını dilə gətirib.

Üfüqün naməlum olduğunu, dekabr ayında edilə biləcək bir endirimin daha haqlı görülə biləcəyini qeyd edən Balz, dekabr ayında da bir faiz endirimi gözlədiyini qeyd edib. Balz, "Fed etdiyi faiz endiriminin "xarici mühitin pisləşməsində bir sığorta olaraq" başa düşülməsinin davam etməsini istəyir" şərhini etdi.

Cristoph Balz, yaxın gələcəkdə ABŞ-da inflyasiyanın daha çox zəifləməsi vəziyyətində ABŞ Mərkəzi Bankının (Fed), siyasət faizini sıfır səviyyələrinə doğru sala biləcəyini qeyd edərək, "Bu zaman faiz endirimləri, pisləşən qlobal iqtisadiyyatdan sığortalanmaq üçün tədbir olmayacaqdır, bir iqtisadi böhranla mübarizəyə xidmət edəcəkdir",- deyib.

Daha çox mütəxəssis, "Fed bu həftə faiz endirəcək, sonrası üçün yəqin ki, səbrli olacağı siqnalını verəcək" ifadəsini istifadə edirlər.

©“Marja”