“Bu ilin dörd ayı ərzində Azərbaycanda 90 uşaq övladlığa verilib”.

Bunu Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin Övladlığagötürmə departamentinin müdiri Cavid Şahmalıyev deyib.

Onun sözlərinə görə, 2019-cu ilin noyabr ayının 1-dən indiyə qədər 238 uşaq övladlığa verilib:

“Onlardan 123-ü oğlan, 115-i isə qız olub. Üç yaşadək 148, 4-11 yaşda 70, 12-18 yaşda isə 20 uşaq övladlığa götürülüb”.

O qeyd edib ki, 2019-cu ildən indiyədək övladlığagötürmə ilə bağlı qeydə alınan 643 müraciətdən 101-i nənə-babalardır, 61-nə müsbət rəy, 31-nə isə imtina cavabı verilib.

Oxu.Az