Çinin şimal-qərbindəki Sincan-Uyğur Muxtar Bölgəsində baş verən zəlzələ üç nəfərin ölümünə, beş nəfərin yaralanmasına səbəb olub.

Bu barədə Çin Mərkəzi Televiziyası məlumat yayıb.

Məlumata görə, seysmik zonadan 12 mindən çox insan təxliyə edilib. Yeraltı təkanlar 50-yə yaxın evi dağıdıb, 78 binaya ziyan dəyib.

10:20

Çində Pekin vaxtı ilə saat 09:18-də (Bakı vaxtı ilə 05:18-də) Sincan-Uyğur Muxtar Vilayətinin Aksu əyalətinin Uşi rayonunda zəlzələ baş verib.

Çin Seysmoloji Şəbəkə Mərkəzinin məlumatına görə, zəlzələnin episentri 10 km dərinlikdə olub. Ölənlər və dağıntılar barədə məlumat verilmir.

Həmçinin yerli vaxtla saat 09:52-də (Bakı vaxtı ilə 07:52) Almatıda növbəti zəlzələ hiss olunub, yeraltı təkanların gücü 2 bal olub. 5,2 bal gücündə zəlzələnin episentri Çin və Qırğızıstan sərhədində yerləşib.

Qeyd edək ki, dünən axşam saatlarında episentri Çinin Aksu bölgəsindən 121 kilometr qərbdə və Almatıdan 270 kilometr cənub-şərqdə yerləşən zəlzələ baş verib.