Böyük Britaniya Mərkəzi Bankının (BOE) sədri Mark Carney, dolların hakimiyyətini sona çatdırmaq üçün Libraya bənzər bir ehtiyat (rezerv) pul vahidi olması lazım olduğunu söyləyib.

Böyük Britaniya Mərkəzi Bankının sədri qlobal maliyyə sisteminin reviziyası üçün radikal təklif verib və dolların əvəzinə tez ya da gec Libraya bənzər bir virtual valyutanın keçməsi lazım olduğunu söyləyib.

Insider.az xəbər verir ki, bir neçə ay sonra vəzifəsini təhvil verəcə Carney, geniş bir dəyişiklik zamanı beynəlxalq iqtisadiyyat üçün baxışını açıqlayıb. 

Ticarət və məzənnə müharibələri təhdidi iqtisadi artıma mənfi təsir edir və çoxtərəfli əməkdaşlığı alt-üst edir. Mərkəzi banklar, inflyasiyanı canlandırmaq səyləri daxilində aşağı faiz tələsinə ilişmiş vəziyyətdədirlər.

Carney, "Artan iqtisadi siyasət qeyri-müəyyənliyi, artan himayəçilik və mənfi şokların məhdud siyasət imkanlarına görə kifayət qədər həll olunmaması qlobal iqtisadiyyatda deflyasiya meylinı artırır" deyib və "sonra nə etməli?" deyə soruşub.

Fed-in illik simpoziumunda çıxış edən Carney, mərkəzi bankirlərin qısa dövrdə vəziyyət nədirsə onunla məşğul olmaları lazım olduğunu söyləyib. Ancaq İngiltərə Mərkəz Bankının sədri, status-kvonun qayğısız bir şəkildə qəbulunun yanlış olduğu və nəhayət dramatik addımların lazım olacağı barədə xəbərdarlıq edib.

Carney-in çıxışında ən mühüm məqam, dolların qlobal ehtiyat valyuta kimi mövqeyilə bağlı idi və BOE sədri, Facebook Inc.-ın dövriyyə buraxmağı planlaşdırdığı Libraya bənzər bir rəqəmsal pulun daha yaxşı variant olacağını deyib. O bunun, dolların ehtiyat valyuta statusunu Çinin yuanı kimi digər bir ölkənin pul vahidi tərəfindən ələ keçirilməsindən daha üstün olacağını qeyd edib.

©Marja