Hazırda dünyanın 30 ölkəsində 550-dən çox meymunçiçəyinə yoluxma halı təsdiqlənib.

Bu barədə çərşənbə axşamı Cenevrədə keçirdiyi brifinqdə Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib.

Təşkilat rəhbərinin sözlərinə görə, əksər hallarda meymunçiçəyi “kişilərlə cinsi əlaqədə olan kişilər” və müxtəlif xəstəliklərlə cinsi sağlamlıq klinikalarına müraciət edənlərdə görülüb.

Qebreyesus xəstəliyin getdikcə yayıldığını və daha çox yoluxmanın baş verəcəyini qeyd edib.