"Cineworld Group Plc" şirkəti, ABŞ və İngiltərədə olan kinoteatrlarını müvəqqəti bağlayacağını açıqlayıb. Buna səbəb qış aylarında səs salacağı gözlənilən filimlərin koronavirus pandemiyası ilə əlaqədar olaraq 2021-ci ilə təxirə salınmasıdır.

İnsider.az xəbər verir ki, dünyanın ən böyük ikinci kinoteatr şəbəkəsi Cümə axşamı günü ABŞ-da 536 Regal markalı salonunu, İngiltərədə isə Picturehouse markası da daxil olmaqla 127 nöqtəsini bağlayacaq. Söz mövzusu qərar 45 min işçiyə təsir edəcək.

Şirkətin səhmləri qərardan sonra 30% düşüb. Cineworld-un səhmləri bu il ərzində isə təxminən 88% dəyər itirib.