Səhmlərinin ilkin kütləvi satışı zamanı "Saudi Aramco" şirkətinin bazar dəyərinin 1.6 trilyon ilə 1.7 trilyon dollar qiymət aralığında alacağı gözlənilir.

Səudiyyə şahzadəsinin əvvəldən hədəflədiyi 2 trilyon dollardan aşağı qalmasına baxmayaraq dünyanın ən böyük kütləvi yol ilə səhm satışı (İPO - initial public offering ) olacaq.

"Saudi Aramco" dünyanın ən böyük səhmlərin ilk kütləvi satışı ola biləcək 1.5%-lik səhm satışı ilə 25.6 milyard dollar qazanmağa çalışır (Şirkətin səhmlərinin 1,5%-i investorlara təklif olunacaq). 

İlkin qiymət aralığı bir səhm üçün 30 riyal - 32 riyal təşkil edir. "Aramco" son qiyməti 5 dekabrda yayımlayacaq.

Səudiyyə Ərəbistanı, Şahzadənin iqtisadiyyatı şaxələndirmək planlarının təməlini təşkil edən İPO-nun uğurlu olması üçün bütün maneələri ortadan qaldırır. Krallıq, neft nəhəngi üçün vergi nisbətini də aşağı salıb.

"Suudi Aramco"nun səhmlərinin ilk kütləvi təklifi üçün hazırlanmış hesabatda, qlobal neft tələbinin qarşıdakı 20 il ərzində ən yüksək səviyyəyə qalxa biləcəyi nəzərdə tutulub. Məsləhətçi şirkət "IHS Markit" tərəfindən hazırlanmış təxminə görə neft tələbi 2035-ci ildə ən yüksək səviyyəyə çatacaq. Qlobal neft tələbi 2045-ci ildə isə 2040-cı illə müqayisədə azalacaq.

"Suudi Aramco" dünyanın ən böyük neft istehsalçısıdır.

Marja