ABŞ dolları 8,40 Türk lirəsinə yüksəlib.

Türkiyə Mərkəzi Bankı (TCMB) sədrinin şənbə günü dəyişdirilməsilə əlaqədar olaraq Türk lirəsi kəskin ucuzlaşıb.

Bu gün ilk əməliyyatlarda dollar / TL məzənnəsi 16% artıb və 8,40 səviyyəsini keçib (8,4786-nı görüb).

Dollar / TL məzənnəsi keçən həftə 7.21 səviyyəsində bağlanmışdı.

Dolar/TL məzənnəsində rekord ən yüksək səviyyə 8,5803-dür.

Kavcıoğlu, TCMB-də Ağbalın yerinə təyin edilib

Naci Ağbal, Türkiyə Prezidenti Rəcəb Tayyib Ərdoğanın şənbə gününün ilk saatlarında Rəsmi Qəzetdə dərc olunan fərmanı ilə vəzifəsindən azad edilib, Şahap Kavcıoğlu TCMB-nin sədri təyin edilib.

Prezident Rəcəb Tayyib Ərdoğan, faiz dərəcəsini cəmi 8,75 bənd artıran Naci Ağbalı Mərkəzi Bankın rəhbəri vəzifəsindən uzaqlaşdırıb və əvəzinə onun kimi yüksək faiz dərəcələrini tənqid edən Şahap Kavcıoğlunu təyin edib.

Vəzifədən azadetmə və təyinat Prezident Fərmanı ilə baş verib. Şənbə günü Rəsmi Qəzetdə yayımlanan qərar, TCMB-nin faizini gözləniləndən daha çox artıraraq 19%-ə qaldırdıqdan iki gün sonra verilib.

Naci Ağbal ötən ilin noyabr ayında Mərkəzi Bankın sədri təyin edilmişdi.

TCMB-nin yeni sədri Şahap Kavcıoğlu ilk açıqlamasında inflyasiyada qalıcı bir azalma əldə etməyi hədəflədiyini vurğulamışdır.

TCMB sədri Kavcıoğlu kommersiya banklarının sədrləri ilə də iclas keçirib və kritik mesajlar verib. İclasda Kavcıoğlu, Mərkəzi Bankın əsas prioriteti olan inflyasiya ilə mübarizənin davam edəcəyini vurğulayıb.

Onun sözlərinə görə, yeni dövrdə Mərkəzi Bankın siyasətində bir dəyişiklik olmayacaq. İclasda təqvim xaricində pul siyasəti komitəsinin iclasının olmayacağı da bildirilib.

Ötən həftənin cümə axşamı günü Türkiyə Mərkəzi Bankı faizini 17%-dən 19%-ə qaldırmışdır. Analitiklərə görə, bundan sonra Naci Ağbalın vəzifədən azad edilməsi investorların etibarına zərbə vurub və onlarda yeni sədrin yüksək faizə qarşı olacağı narahatlığı var.

Ağbal dövründə faizin artırılması ilə dollar / TL məzənnəsi fevral ayında 8.57-dən 6.89-a qədər geriləsə də, sonrakı dövrdə məzənnə üç səbəbdən yenidən artdı.

ABŞ-da istiqraz gəlirliliyinin artması, neftin bahalaşması və Türkiyə Mərkəzi Bankının valyuta ehtiyatlarının sıfırdan da aşağı düşdüyü iddiaları məzənnəni 7:50 səviyyəsinə yüksəltdi.

Bunlardan sonra Mərkəzi Bankın Pul Siyasəti Komitəsi, faizi Cümə axşamı günü 2 bənd artıraraq 19%-ə yüksəltdi. Bu qərardan sonra dolların məzənnəsi cümə günü 7.20 səviyyəsinidən də aşağı düşdü.

Lakin şənbə günü Naci Ağbalın vəzifəsindən azad edilməsindən sonra Mərkəzi Bankın faiz siyasəti ilə bağlı suallar ortaya çıxdı və yeni sədrin yüksək faiz dərəcəsinə qarşı olacağı barədə məlumatlar dolların məzənnəsinin yenidən artmasına səbəb oldu.

İndi Ağbal dövründə yüksək faiz və sərt pul siyasəti vədləri ilə Türkiyəyə daxil olmuş təxminən 18 milyard dollarlıq "isti" pulun istiqamətinin necə olacağı maraq mövzusudur.

Marja