Beynəlxalq Enerji Agentliyinin (UEA) sədri Fateh Birol, koronavirusun (Kovid-19) son 6 ayda qlobal enerji sektorunda 3 milyondan çox insanın işini itirməsinə səbəb olduğunu bildirib.

İnsider.az xəbər verir ki, Birol, "Qarşıdakı 6 ay ərzində isə daha 3,5 milyon insanın işini itirməsi riski var. Gələcək aylarda ən çox eşidəcəyimiz söz "işsizlik" olacaqdır və təəssüf ki, enerji sektoru da bu nöqtədə ən çox zərbəni alan sektorlardan biri olacaq. Digər tərəfdən, qarşıdakı 6 aya baxdığımızda iki qlobal qeyri-müəyyənlik var. Birincisi, Kovid-19 epidemiyasında ikinci dalğa olması ehtimalı, ikincisi isə dünya iqtisadiyyatının necə bir yığışma göstərəcəyidir. Qlobal bir inkişaf olmasa da Amerika Birləşmiş Ştatlarında noyabrda keçiriləcək seçkilər də dünya iqtisadiyyatına və siyasətinə ciddi mənada təsir edəcək", -deyib.

Birol, bu dövrdə hökumətlərin iqtisadiyyatlarını yenidən canlandırmaq üçün xilasetmə paketləri hazırladığına da diqqəti çəkərək, "İqtisadi xilasetmə paketlərinin böyüklüyü 9 trilyon dollar məbləğindədir və il sonuna qədər bu rəqəmin 20 trilyon dollara çatacağını düşünürük. Enerji məhsuldarlığı, bərpaolunan enerji sərmayələri və elektrik şəbəkələrinin modernləşdirilməsi, bu xilasetmə paketlərində dəstəklənilməsi lazım olan və məşğulluq  yaradacaq kritik sahələr olaraq önə çıxır", - bildirib.

Birol, dünyadakı enerji sərmayələrinin bu il 2019-cu illə müqayisədə 400 milyard dollar azalacağını qeyd edib.

Bu il dünya enerji tələbinin 2009-dakı iqtisadi böhrana nisbətlə 7 dəfə daha sürətli düşəcəyini dilə gətirən Birol, "Yəni 2009 iqtisadi böhranı ilə müqayisədə 7 qat daha böyük bir problemlə qarşı-qarşıyayıq. Bu müddətdə ən böyük zərbəni neftin aldığını gördük. Xüsusilə "Qara Aprel" olaraq adlandırdığımız aprel ayında tələbdə böyük bir azalma oldu lakin indi yavaş da olsa neftdə bir yığışma söz mövzusudur. Bu an üçün yalnız aviasiya sektorunda neft tələbi artmayıb amma hava yolu nəqliyyatı da dünya neft istehlakının 7%-ini yaradır. Neft istehsalçısı ölkələrin siyasətlərində dəyişiklik olmazsa, qiymətlərdə yığışmanın davam edə biləcəyini söyləyə bilərik" deyib. 

Marja