Beynəlxalq reytinq agentliyi “Fitch” Türkiyənin xarici valyutada uzunmüddətli emitentinin defolt reytinqini (EDR) “BB” səviyyəsindən “BB-”yə endirib. Reytinq üzrə proqnoz isə mənfidir.

İnsider.az-ın məlumatına görə,  bu barədə agentliyin saytında yerləşdirilən press-relizdə bildirilir.

“Fitch” mütəxəssisləri reytinq qərarına təsir edən həlledici amillər sırasında Türkiyə Mərkəzi Bankının sədri Murat Çetinkayanın tutduğu vəzifəsindən uzaqlaşdırılmağı, İstanbulda bələdiyyə sədri seçkilərinin yenidən keçirilməyi, eləcə də Rusiyadan “S-400” zenit-raket kompleksinin alınmağını gətirirlər.

Agentlik xəbərdarlıq edir ki, “S-400”-ü əldə etməyi sayəsində Türkiyə sanksiyalara məruz qala bilər. İstənilən sanksiya isə ölkə iqtisadiyyatına təsir göstərə bilər.

Məlumatda bildirilir ki, Türkiyənin suveren reytinqinə baxış cari ilin noyabrın 1-ə planlaşdırılırdı.

“Lakin “Fitch” düşünür ki, ölkədə baş verən hadisələr qrafikdən yayınmağı tələb edir”, - deyə məlumatda bildirilir.

© Oxu.az