"JP Morgan Chase"in baş direktoru Jamie Dimon 2022-ci ildə ABŞ Mərkəzi Bankının (FED) hər biri 0,25 faiz bəndi olmaqla 4 dəfə faiz artıracağını gözləyir.

Jamie Dimon,  FED-in iqtisadiyyatı ciddi şəkildə sarsıtmadan faizini artırmaq vasitəsilə inflyasiyaya nəzarət edə biləcəyini söyləyib.

İnflyasiyanın FED-in düşündüyündən də pis olacağı ehtimalının hələ də olduğunu qeyd edən Dimon, FED-in gözlənildiyindən daha çox faiz artırması lazım ola biləcəyini vurğulayıb. 

"Goldman Sachs" da 2022-ci ildə FED-in 4 dəfə faiz artıracağını gözləyir.  

"Goldman Sachs Group Inc."in hesabatına görə, ABŞ Mərkəzi Bankı bu il çox güman ki, faiz dərəcələrini dörd dəfə artıracaq və ən geci iyul ayına qədər balansını azaltmağa başlayacaq.

Hesabatda, ABŞ əmək bazarındakı canlanma və 14-15 dekabr tarixlərində FED iclasının protokollarında yer alan siqnallar daha sürətli normallaşmaya işarə etdiyi bildirilib.

Hesabayda, "Risklər əvvəlkindən daha erkən bir dövrə işarə etdiyi üçün, biz  iyul ayına qədər balansın azaldılmasına başlanacağını gözləyirik. İnflyasiya böyük ehtimalla hədəfin çox üzərində olacaq. Faiz dərəcəsinin artırılması tarixlərinə dekabr ayını da əlavə etdik. İndi Fed-in Mart, İyun, Sentyabr və Deakbr aylarında faiz artıracağını nəzərdə tuturuq", - bildirib.

FED-in 14-15 dekabr iclasının protokollarında FED rəsmiləri artan inflyasiya və məşğulluq bazarında güclü yaxşılaşma səbəbilə gözləniləndən daha tez faiz artırılmasının mümkünlüyünü bildiriblər.

Ötən ay ABŞ-da işsizlik 4,2 faizdən 3,9 faizə düşüb.

Marja