Hindistanda COVID-19 xəstəliyinin geniş yayılmasının qarşısını ala bilməyən 12 nazir istefa verib.

“TRT Haber”in məlumatına görə, istefaya gedən hökumət üzvləri arasında səhiyyə naziri Harş Vardhan da var.

Nazirlərin fövqəladə vəziyyətin səriştəsiz idarəçiliyi səbəbindən vəzifələrindən ayrıldığı vurğulanır.

Qeyd edək ki, pandemiya zamanı ölkədə koronavirusdan ölənlərin sayı 400 mini ötüb. Real rəqəmlərin isə rəsmi ölüm sayından daha artıq olduğu bildirilir.