İranlı ixtiraçı və təşəbbüskar Peyman Sarhadi İsveçrənin Sürix şəhərində ultrabənövşəyi şüalardan istifadə edərək əsginaslarda koronavirusu məhv etmək qabiliyyəti olan bankomat icad edib.

İnsider.az xəbər verir ki, bu barədə IRNA xəbər yayıb.

Peyman Sarhadi cihazın üç layihəsini hazırlayıb.

Bəzi Avropa şirkətləri ixtiraçı ilə İsveçrə və Almaniyada həmin cihazların kütləvi istehsalına başlamaqla bağlı danışıqlar aparmağa başlayıblar.

Bu cihaz ultrabənövşəyi şüalardan istifadə edərək, infeksiyanın hava vasitəsilə ötürülməsini dayandırmaq qabiliyyəti ilə mikroorqanizmləri fiziki nəzarətdə saxlayır.