Mərkəzi Bank tərəfindən vəsaitlərin cəlb edilməsi üzrə növbəti depozit hərracı keçiriləcək.

Insider.az xəbər verir ki, faiz aralığı 9-cu dəfə aşağı salınıb. Səbəb Mərkəzi Bankın uçot dərəcəsini azaltmasıdır. 29 İyul 2018-ci il tarixində keçiriləcək hibrid hərracda 100 milyon manat cəlb edilməsi nəzərdə tutulur. Şərtlərə görə, müddət 14 gün, faiz dərəcəsi 6,26% - 8,24%-dir.

Qeyd edək ki, öncəki hərraclarda faiz dərəcəsi 6,51% - 8,49% aralığında elan edilirdi.

Qaydalara görə, depozit hərracının faiz aralığı faiz dəhlizinin aşağı həddi ilə uçot dərəcəsi arasında müəyyən edilir. Faiz dəhlizinin aşağı həddi və uçot dərəcəsi dəyişdikdə depozit hərracında faiz aralığı da dəyişir. 

Azərbaycan Respublikası Mərkəzi Bankının İdarə Heyəti uçot dərəcəsinin 8.5%-dən 8.25%-ə endirilməsi haqda qərar qəbul etmişdir. Faiz dəhlizinin yuxarı həddi 10.25%, aşağı həddi isə 6.25% (uçot dərəcəsinə ±2%-lik diapazonda) müəyyən edilmişdir. Bu qərar 26 iyul 2019-cu ildən qüvvəyə minib.

2017-ci ildə Mərkəzi Bankın uçot dərəcəsi 15% səviyyəsində idi. 2018-ci ilin Fevral ayında uçot dərəcəsi 13%-ə, Aprel ayında 11%-ə, İyul ayında 10%-ə, Oktyabr ayında 9,75%-ə endirildi. Uçot dərəcəsi 2019-cu ilin  Fevral ayında 9,25%-ə, Mart ayında 9%-ə, Aprel ayında 8,75%-ə, İyun ayında 8,5%-ə, İyul ayında isə 8,25%-ə salındı.

Depozit hərraclarında faizlərin 14,99%-dən 6,51%-dək düşməsinə baxmayaraq tələb azalmır. Son hərraclarda tələb 1 milyard manata yaxın olub.