Baham adalarında helikopter qəzası nəticəsində yeddi nəfər, o cümlədən Amerikalı 61 yaşlı kömür maqnatı və milyarderi Kris Klayn həlak olub. İnsider.az bu barədə “BNO News”-ə istinadla xəbər verir.

Hadisə iyulun 4-ü Baham adalarının ən şimal adasının yaxınlığında baş verib. Helikopter uçuşdan bir az sonra Atlantik okeanına düşüb.

“Associated Press”-in məlumatına görə, helikopter Florida ştatındakı Fort-Loderdeyl şəhəri istiqamətdə uçub. Göyərtəsində olan yeddi nəfərdən heç biri sağ qalmayıb. Bütün həlak olanlar ABŞ vətəndaşları olub.

Hal-hazırda baş vermiş hadisə araşdırılır.

Samirə Məmmədova