Uorren Baffetlə naharın uduşa qoyulduğu illik hərrac bu dəfə rekord 4,57 milyon dollarla bağlanıb. Bu məbləği ödəmiş iştirakçı anonimliyini qorumaq istəyib. İnsider.az bu barədə “Bloomberg”-ə istinadla xəbər verir.

Hərracın qalibi Baffetlə Nyu-Yorkun mərkəzindəki “Smith & Wollensky” restoranında nahar edə bilər. Onun həmçinin görüşə daha yeddi nəfəri dəvət etmək haqqı var. Milyarderə istənilən sualları vermək olar, təkcə yaxın biznes-planlarla maraqlanmaq olmaz.

Bu il Baffetlə nahara görə ödəniş 2000-ci ildən keçirilən hərracların bütün tarixi boyu ən böyüyü olub. Ötən rekordlar naməlum şəxslərin 3 milyondan çox dollar verdikləri 2021 və 2016-cı illərə təsadüf edib. Ən ucuz görüş 2001-də baş tutub – nahar cəmi 18 min dollara başa gəlib.

Əksər qaliblər adlarını açıqlamır, lakin bəziləri bu barədə ictimaiyyətə bildiriblər. Xüsusilə, hərracı 2003-cü ildə udmuş “Greenlight Capital’s” fondundan Devid Eynorn belə edib.

Deyilənə görə, pullar həmişə Baffetin 2004-cü ildə vəfat etmiş ilk həyat yoldaşı Syüzanın dəstək verdiyi “Glide” xeyriyyə fonduna gedir.

Samirə Məmmədova