Neft İxrac edən Ölkələr Təşkilatının (OPEC) gündəlik xam neft istehsalı, iyulda iyun ayı ilə müqayisədə 980 min barel artaraq 23 milyon 170 min barelə yüksəlib.

İnsider.az xəbər verir ki, OPEC-in iyul ayına dair neft bazarı hesabatına görə, keçən ay qlobal neft hasilatı iyun ayı ilə müqayisədə gündəlik 1 milyon 290 min barel artımla təxminən 88 milyon 750 min barelə yüksəlib. Bu dövrdə, OPEC-ə üzv olmayan ölkələrdə neft istehsalı gündəlik 310 min barel artımla 65 milyon 580 min barel təşkil edib.

OPEC-in gündəlik xam neft istehsalı isə iyulda əvvəlki ayla müqayisədə 980 min min artımla 23 milyon 170 min barelə yüksəlib. OPEC-in cəmi qlobal neft hasilatında payı isə 26,1% təşkil edib.

Keçən ay OPEC daxilində gündəlik xam neft istehsalını ən çox artıran ölkə Səudiyyə Ərəbistanı olub. Ölkədə gündəlik ortalama xam neft istehsalı 866 min barel artımla 8 milyon 406 min barelə yüksəlib. Bu ölkənin ardınca Birləşmiş Ərəb Əmrlikləri (BƏƏ), Küveyt və İraq gəlir.

Qlobal neft tələbi

Hesabatda bu il qlobal neft tələbinin gündəlik orta hesabla 9 milyon 60 min barel (9,09%) azalaraq 90 milyon 630 min barel, gələn il isə 7 milyon barel artaraq 97 milyon 630 min barel olacağı nəzərdə tutulur.

Marja