Özəl klinikalar İcbari Tibbi Sığortaya qoşula bilmək üçün xüsusi kriteriyalara cavab verməlidirlər. Biz də bu kriteriyaları hazırlamışıq. Qaydalar təsdiqini tapandan sonra ictimaiətə təqdim olunacaq.

İnsider.az bildirir ki, bu barədə İcbari Tibbi Sığorta üzrə Dövlət Agentliyinin sədri Zaur Əliyev bildirib.

“Bildiyimiz kimi pasientlərdən kim hansı xəstəxananı seçsə, orda da müalicə alacaq və ödəniş də həmin tibb müəssisəsinə olunacaq. Elə özəl klinika ola bilər ki, ora bir ay ərzində müraciət olunmasın. İlkin olaraq belə müəssisələr də dəstək almalıdır. Hesab edirik ki, özəl klinikalar pasientləri qəbul edə, xidmət göstərə bilənə qədər dəstək almalıdırlar. Ona görə də təbii ki, biz buna dəstək olacağıq”, – deyə  Zaur Əliyev bildirib.

Agentliyin sədrinin sözlərinə görə, xəstəxanalara ayrılacaq vəsaitin icmal büdcənin bir hissəsi olması ehtimal edilir. Büdcə barədə məsələlər parlamentdə öz təsdiqini tapandan sonra icmal büdcə fond şəklində formalaşacaq və xəstəxanalara ödənişlər veriləcək. Daha sonra isə xərclərin adi qaydada auditi aparılacaq.

©FED