Qazaxıstanda sabiq daxili işlər naziri Erlan Turqumbayev saxlanılıb.

Bu barədə Qazaxıstan Baş Prokurorluğunun Mətbuat Xidməti məlumat yayıb.

Qeyd olunur ki, Qazaxıstanın Daxili İşlər Nazirliyinin sabiq rəhbərinə 2022-ci ilin yanvarında ölkədə baş vermiş faciəvi hadisələrlə bağlı cinayət işi açılıb.  

O, səlahiyyətlərindən sui-istifadədə ittiham olunur.

Məlumat üçün əlavə edək ki, Erlan Turqumbayev 2019-cu ildən etibarən Daxili İşlər Nazirliyinə rəhbərlik edib və 2022-ci ilin fevralında tutduğu vəzifədən azad edilib. Daha sonra o, altı aya yaxın Qazaxıstan prezidentinin müşaviri olub.