ABŞ Mərkəzi Bankının Boston şöbəsinin sədri Eric Rosengren, ABŞ iqtisadiyyatının risklərə baxmayaraq, güclü olduğunu və bu aykı iclasda faiz endiriminə ehtiyac olmadığını deyib.

İnsider.az xəbər verir ki, Rosengren, "Əgər istehlakçılar xərcləməyə davam edərsə və qlobal şərtlər daha da pisləşməsə, iqtisadiyyat yəqin ki, 2 faiz ətrafında böyüməyə davam edəcək. Bu artım sürətində, maaşlarda və qiymətlərdə mərhələli artımı davam edəcək. Mənim fikirimə görə, təcili bir faiz endirilməsinə ehtiyac yoxdur",- deyib.

Rosengren-in bu şərhləri, Fed rəsmilərinin, faizlərin 0,5 bənd endiriləcəyinin gözləndiyi 17-18 Sentyabrdakı Federal Açıq Bazar Komitəsinin (FOMC) iclasında yenidən müxalif qala biləcəklərinə işarə edir. 31 İyuldakı iclasda, Rosengren, Kanzas Siti Fed sədri Esther George ilə birlikdə 0,25 bənd faiz endirimi qərarına müxalif olmuşdular.

Fed sədri Jerome Pauell, faiz endirimi qərarını, artan qlobal risklərə görə iqtisadi artımda daha ciddi yavaşlama ehtimalına qarşı müdafiə olaraq qiymətləndirmişdi. Pauell, 23 Avqustda  etdiyi çıxışında, bu ay Vaşinqtonda keçiriləcək FOMC toplantısında digər bir faiz endirimi olacağına işarə etmişdi.

Digər tərəfdən, Boston Fed sədri, risklərin artmaqda olduğuna diqqət çəkib.

Rosengren, "Açıq bir şəkildə, ticarət və ya geo-siyasi münaqişələrin artacağına dair aşağı istiqamətli bir risk var. Ancaq indiyə qədər, bu artan risklər hələ reallığa çevrilməyib" şəklində bildirib.

© Marja