İnnovasiya Agentliyinin dövlət qeydiyyatından keçməsi ilə əlaqədar olaraq, İnformasiya Texnologiyalarının İnkişafı Dövlət Fondu və Yüksək Texnologiyalar Parkı (YTP) fəaliyyətini dayandırır.

Insider.az  xəbər verir ki, Fondun və YTP-nin hazırkı işçi heyəti Agentliyin tərkibində fəaliyyət göstərəcək.

Avqustun 30-da işçilərin əmək müqaviləsinə xitam verildikdən sonra sentyabrın 2-də yeni müqavilələr bağlanacaq.

Qeyd edək ki, Agentlik yerli sahibkarlıq subyektlərinə müasir texnologiyaların və texnoloji həllərin əldə olunmasında yardım göstərən, innovasiya yönümlü elmi tədqiqatları dəstəkləyən, innovativ layihələri (o cümlədən startapları) təşviq edən və innovasiya təşəbbüskarlığını təbliğ edən publik hüquqi şəxsdir.

©TED.az