Almaniyada yaşamaq icazəsi olan Azərbaycan vətəndaşları 11 may 2020-ci ildə Frankfurt şəhərinə planlaşdırılan çarter reysindən istifadə edə biləcəklər. 

İnsider.az xəbər verir ki, bu barədə Almaniya səfirliyi məlumat yayıb.

Bildirilib ki, uçuş təxminən 230 avroya başa gələcək:

“Əlavə məlumatlar hələlik məlum deyil və mümkün qədər ən qısa zaman ərzində bildiriləcək”.

“Bu səbəbdən yaşamaq icazəsi olan şəxslərdən pasport və yaşayış icazəsinin bir nüsxəsini bu gün saat 14:00-dək rk-kontakt@baku.diplo.de elektron poçtuna göndərmələri xahiş olunur.

Uçuş yerləri tükəndiyi halda, Almaniya/Avropa İttifaqı ölkələrindən olan vətəndaşların əcnəbi ailə üzvlərinə, habelə sistem üçün vacib olan müvafiq peşə qruplarına üstünlük veriləcək”, - deyə səfirlikdən bildirilib.