Sənədlərin bir dildən başqa dilə tərcüməsinin düzgünlüyünün təsdiqi (hər səhifəyə görə), sənədlərdən surət və çıxarışların düzgünlüyünün təsdiqi, vətəndaşla fotoşəkildəki şəxsin eyniliyinin notarial təsdiqi üçün dövlət rüsumunun azaldılması gözlənilir.

İnsider.az xəbər veri ki, bununla bağlı “Dövlət rüsumu haqqında” qanunun 10.18-ci maddəsinə dəyişiklik təklif edilir.

Qeyd edək ki, qanunun hazırkı variantına əsasən, sənədlərin təsdiqi üçün 2 manat 50 qəpik dövlət rüsumu müəyyən olunub.

Qanun layihəsində isə bu notariat hərəkətinə görə rüsumun azaldılaraq 1 manat 50 qəpik səviyyəsində müəyyən edilməsi təklif olunur.

Layihə yanvarın 22-də Milli Məclisin İqtisadi siyasət, sənaye və sahibkarlıq komitəsinin iclasında müzakirəyə çıxarılacaq.