Səudiyyə Ərəbistanında daha 472 nəfərə koronavirus diaqnozu qoyulub.

İnsider.az xəbər verir ki, bunu ölkənin Səhiyyə Nazirliyi açıqlayıb.

Məlumata görə, Yaxın Şərq ölkəsində qeydə alınan koronavirusa yoluxma hallarının sayı 4 934 nəfərə çatıb.

Ölkədə pandemiya qurbanlarının sayı da daha 6 nəfər artaraq 65-ə yüksəlib.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 1 867 000-i ötüb. Bunların 434 098 nəfəri sağalıb, 115 275 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Report