Dünyanın ən böyük neft şirkəti “Saudi Aramco” (Səudiyyə Ərəbistanı) “Arab Light” markalı neftin qiymətini fevral ayına nisbətən 60 sent artaraq 2,80 dollara yüksəldib.

Səudiyyə Ərəbistanı, Brent markalı neftin bir barelinin qiymətinin 95 dollar səviyyəsinə yaxınlaşmasından sonra mart ayından etibarən Asiya, ABŞ və Avropadakı müştərilərinə satdığı neftin qiymətini artırdığını açıqlayıb.

Ölkənin milli neft şirkəti “Saudi Aramco” ABŞ müştərilərinə satdığı neftin qiymətini bir barel üçün 30 sent artıracaq, avropalı müştərilər isə bir barrel üçün 70 sentdən 2,30 dollara qədər çox ödəyəcəklər. Uzaq Şərq ölkələrinə göndərilən neftin bir barelinin qiyməti 30-70 sent artırılıb.

Aramco “Arab Light” markalı neftin qiymətini fevral ayına nisbətən 60 sent artaraq 2,80 dollara yüksəldib. Bu artım əsasən analitiklərin gözləntilərinə uyğun olub.

2022-ci ilin əvvəlindən Brent markalı neftin bir barelinin qiyməti 20 faizə yaxın artaraq 93 dollar səviyyəsini keçib. “Omikron” variantında sürətli yayılmasına baxmayaraq, neftə tələbin artması  qiymətlərin yüksəlməsinə səbəb olur.

Bundan əlavə, neft ehtiyatları ötən ilki səviyyədən aşağıdır və əsas istehsalçılar daha çox istehsal etmək üçün mübarizə aparırlar. “Aramco”nun qərarından bir neçə gün əvvəl OPEC+ ölkələri növbəti ay üçün gündəlik neft hasilatını 400 min barel artırmaq qərarına gəliblər 

Fevralın 2-də görüşdən sonra OPEC+ ölkələrinin nazirləri mart ayında neft hasilatını sutkada 400 min barel artırmağa davam etmək qərarına gəliblər. Bu templə OPEC+ sazişində iştirak edən ölkələr 2021-ci ilin avqust ayından hasilatı bərpa edir, lakin neft bazarındakı qeyri-müəyyənliyi nəzərə alaraq, hər növbəti ay üçün bu planı təsdiqləyirlər. Belə ki, 2022-ci ilin yanvarında OPEC+ ölkələri neft hasilatını sutkada 3,359 milyon barel, fevralda isə 2,959 milyon barel azaltmalı olublar.

Marja