Tayland hakimiyyəti turistlərə qışda xidmətlərə görə 80%-ə qədər endirimlər vəd etdi.

Tailandda əcnəbi turistlər qış mövsümündə müxtəlif xidmətlərə görə 80 faizə qədər endirimlərdən yararlanmaq imkanı əldə edəcəklər.

Bunu yerli “The Nation” qəzeti yazır.

Nəşr qeyd edir ki, Taylandın Turizm İdarəsi (TAT) turizm sənayesini inkişaf etdirmək üçün “Amazing Thailand Expat Privileges” proqramını işə salıb. Proqram turistlərə müxtəlif xidmətlər üzrə 80%-ə qədər endirimlərin təmin edilməsini nəzərdə tutur. Bundan əlavə, əcnəbilər milli parkları pulsuz ziyarət etmək imkanı əldə edəcəklər. Proqram 2024-cü ilin fevral ayının sonuna qədər etibarlı olacaq.

Kampaniyanın saytından verilən məlumata görə, qeydiyyatdan keçmiş istifadəçilər artıq Taylandda spa prosedurlarına, milli restoranlara və ustad dərslərinə baş çəkmək üçün endirimlərə malikdirlər.

Bildirilib ki, bu təşəbbüs ölkənin gələn il turizm məqsədlərinə çatmasına, o cümlədən sənaye gəlirinin üç trilyon baht (85,5 milyard dollar) artırılmasına kömək edəcək.

Noyabrın əvvəlində ölkə hakimiyyəti 2023-cü ilin əvvəlindən on ay ərzində Taylanda 22 milyondan çox xarici turistin səfər etdiyini bildirmişdi. Qış mövsümünün başlaması və 60-dan çox ölkə ilə vizasız rejimin tətbiqi fonunda turist axınının daha da artacağı gözlənilir. Tailand ilin sonuna qədər 25-28 milyon xarici turisti qəbul etməyi planlaşdırır.

Marja