ABŞ Prezidenti Donald Tramp, Çin məhsullarını, razılaşma olmaması halında daha çox gömrük tarifi tətbiq etməklə təhdid edib. 

İnsider.az xəbər verir ki, ABŞ Prezidenti Çərşənbə axşamı günkü kabinet yığıncağında, Çin ilə əlaqələrə dair açıqlamalar verib. 

Dünyanın ən böyük iki iqtisadiyyatı ABŞ və Çin, ticarət əlaqələrində təxminən iki ildir davam edən içindən çıxılması çətin vəziyyətdədir.  

Tramp Çərşənbə axşamı günkü yığıncaqda, "Əgər Çin ilə müqavilə bağlamazsaq, tarifləri daha da çox yüksəldərəm" deyib. 

ABŞ və Çin, birinci mərhələ ticarət razılaşması üçün Oktyabr ayından danışıqlar aparırlar. Ağ Evin İqtisadi məsləhətçisi Larry Kudlow ötən Cümə günü etdiyi açıqlamasında, iki ölkənin ticarət razılaşmasına çox yaxın olduqlarını bildirmişdi.

Noyabr ayının əvvəlində Çin Ticarət Nazirliyinin spikeri Gao Feng, iki ölkənin bərabər və mərhələli şəkildə əlavə gömrük tariflərini ləğv etmək mövzusunda razılaşdıqlarını bildirmişdi. Daha sonra Tramp, belə bir razılaşma olmadığını bildirərək, ticarət razılaşmasına dair ümidləri azaltmışdı. Tramp, "Onlar tariflərin ləğv edilməsini istəyirlər, Mən bu məsələdə razı olmadım" demişdi. 

Trampın açıqlamsından sonra, neft qiymətləri kəskin düşüb, Brent neftinin qiyməti yenidən 60 dollar səviyyələrinə geriləyib. Ticarət razılaşmasının olmamasının qlobal iqtisadiyyatda növbəti böhrana səbəb olacağı və neftə tələbin azalacağı bildirilir. 

Asiya birjaları da ABŞ-Çin gərginliyi ilə kəskin geriləyib.

Marja