Türkiyənin Kütahya və Manisa bölgələrində meşə yanğınları baş verib.

Kütahyanın Emet rayonundakı meşə yanğını küləyin də təsiri ilə geniş əraziyə yayılıb. Manisanın Akhisar rayonunda otluq ərazidə başlayan yanğın isə tezliklə əkin sahələrinə və meşə ərazisinə keçib. Yaxınlıqdakı 20 ev boşaldılıb, 40 nəfər sakin təxliyə edilib.

Yanğınla mübarizəyə çox sayda texnika və yanğınsöndürmə briqaları cəlb olunub.

Qeyd edək ki, buna qədər Türkiyənin Muğla bölgəsində də yanğın baş verdiyi açıqlanmışdı.

Oxu.Az